အရင်ဆုံး Memory Stroage အကြောင်းလေးကို ပြောပြချင်ပါတယ်။ Memory stroage လို့ပြောလိုက်ရင် အရင်ဆုံး အလွယ်ပြေးမြင်လို့ရတာ SD Card ပါ။ တကယ်တော့ SD Card ဆိုတာ Memory Stroage လို့ပြောလို့ရပေမဲ့ ဖုန်းရဲ့ ROM ပိုင်း System ပိုင်းတွေနဲ့ တိုက်ရိုက် သက်ဆိုင်ခြင်း မရှိပါဘူး။
အပိုထည့်သွင်းထားတဲ့ အပိုင်းပဲ ဖြစ်ပါတယ်။ ပိုပြီး မြင်သာသွားအောင် ပြောရရင် SD Card မပါလဲ ဖုန်းဟာ ဆက်ပြီး အလုပ်လုပ်နေဦးမှာ ဖြစ်ပါတယ်။ ကျွန်တော်တို့ အခုလက်ရှိ သုံးနေကြတဲ့ ဖုန်းတွေဟာ ဖုန်းထုတ်လုပ်တည်းကပါတဲ့ Bulit in memory ပါဝင်ပါတယ်။ အဲဒီ Build in memory ပေါ်မှာသာ ROM ကိုတင်ပြီး အသုံးပြုနေရခြင်း ဖြစ်ပါတယ်။ များသောအားဖြင့် ဖုန်းဝယ်သူ တော်တော်များများဟာ SD Card ဘယ်လောက်စိုက်လို့ရလဲ ဘယ်လောက်ပါလဲဆိုတာကိုပဲ ကြည့်လေ့ရှိကြပါတယ်။
Build in memory ဘယ်လောက်ပါလဲဆိုတာကို ကြည့်လေ့မရှိကြပါဘူး။ ဒီတော့ အဲဒီ Build in memory ပေါ်မှာ ROM တင်ထားတာ ဖြစ်တယ်ဆိုတာသိရင် ဖုန်းဘာကြောင့် လေးရလဲဆိုတာကို အလွယ်ပြောလို့ ရပါပြီ။ အဲဒီ Build in memory ပြည့်လုနီးနီး ဖြစ်သွားတာ (သို့) အဲဒီထဲက File တွေ ရှုပ်ထွေးနေတာလို့ ပြောရင်ရပါပြီ။ ဥပမာ - Build in memory 1 GB ပါတဲ့ ဖုန်းကို ၀ယ်လိုက်တယ်ဆိုပါစို့ ၊ တင်ထားတဲ့ ROM က တ၀က်ကျော်ကျော်လောက်ကို ကျိမ်းသေ နေရာယူပါတယ်။
ပြောရရင် ဖုန်းရဲ့ Build in memory က ၀ယ်ကတည်းက တ၀က်ကျော်ကျော် သုံးထားပြီးသား ဖြစ်ပါတယ်။ အဲဒီနောက်မှာ ဆက်ပြီးသုံးမယ်ဆို ပြည့်ပြည့်သွားခြင်း ၊ ရှုပ်ထွေးခြင်းတွေ ဖြစ်သွားတဲ့အတွက် ဖုန်းတွေ လေးလံနှေးကွေးရခြင်း ဖြစ်ပါတယ်။
နောက်ထပ်ဖြစ်လာမဲ့ မေးခွန်းတစ်ခုကတော့ ဘာကြောင့် Built in memory ကပြည့်သွားရတာလဲ ဆိုတာပါ။ ဒါကတော့ အမျိုးမျိုး ဖြစ်နိုင်ပေမဲ့ အကြမ်းဖြင့်အားဖြင့် အောက်ပါအချက်များကြောင့် အဖြစ်များလေ့ရှိပါတယ်။
၁) Application တွေ ခဏခဏတင်ခြင်း၊ ဖျက်ခြင်း Built in memory ထဲမှာ သိုလှောင်ထားတဲ့ အပိုင်းမှာ App တွေတင်ရင် ကိုယ်မသိလိုက်ဘဲ အလိုအလျောက် နောက်ကွယ် Build in memory ထဲမှာ Data File တွေဖွင့်သွားတတ်ပါတယ်။ တစ်ချို့ App တွေဆိုရင် Uninstall ပြန်လုပ်ပေမယ့်လည်း ဆက်ပြီးတော့ Data တွေကျန်ခဲ့တာမျိုး ရှိပါတယ်။ (SD Card ထဲကို Install လုပ်ထားတဲ့ App တွေဆိုရင်တော့ ပြဿနာရှိမှာ မဟုတ်ပါဘူး)
၂) Game ဆော့များခြင်းက ကိုယ်ရဲ့ ဆော့လက်စ ဂိမ်းတွေက ဘယ်အခန်းရောက်ပြီ၊ ဘယ်အချိန် က နောက်ဆုံး ဆော့ထားတာ စတဲ့ အချက်အလက်တွေကို ဘယ်နေရာမှာ သိမ်းထားတယ်ထင်လဲ။ စဉ်းစား ကြည့်လိုက်ပါ။ Game တစ်ခုကိုထည့်ရင် 1 MB ရှိတယ်ဆိုပါစို့၊ ဒါဟာ လုံးဝ မဆော့ရသေးခင် အချိန်မှာပါ။ ဆော့ပြီးသွားရင်တော့ ဆော့လက်စ အခန်းတွေ ပုံတွေ ဒါတွေကို သက်သက်သိမ်းထားရတဲ့ Data File တွေထပ်တိုးလာပါတယ်။ ဒါကြောင့် Built in memory မှာပိုများပြီး ကျပ်ညပ်လာတတ်တာ မျိုးလဲ ဖြစ်တတ်ပါတယ်။
၃) SD Card မသုံးခြင်းအပေါ်က အချက်တွေကို ဖြေရှင်းမဲ့နည်းကတော့ SD Card သုံးထားရင် သက်သာစေပါတယ်။ မိမိဆော့တဲ့ Game File တွေ တင်ထားတဲ့ App တွေ စသည့် Data တွေကို SD Card ထဲမှာ ရွေ့ပြီး သိမ်းလိုက်မယ်ဆိုရင် Built in memory အသုံးပြုခြင်း လျော့နည်းစေမှာဖြစ်ပါတယ်။ ဒါပေမဲ့ တစ်ချို့ App တွေဟာ Built in memory ကလွဲရင် SD Card ထဲကို ရွေ့ပြောင်းခြင်း ခွင့်မပြုပါဘူး။
ဒါကြောင့် အတိုချုံပြီး ပြောရရင် SD Card ထဲကို App တွေ Game တွေကို စကတည်း Install လုပ်ထား သင့်ပါတယ်။
ဒီတော့ နောက်ဆုံး အဲလိုဖြစ်လာပြီ။ လေးလာပြီ နှေးလာပြီဆိုရင် မိမိဖုန်းကို ဘယ်လိုဖြေရှင်းမလဲဆိုတာ အဓိကအချက်ပါ။
၁) အဲလိုလေးလံလာရင် မိမိဖုန်းရဲ့ Build in memory ဘယ်လောက်ကျန်သေးလဲဆိုတာကို အရင်ဝင်စစ်ကြည့်ပါ။ Setting အောက်က App အောက်မှာ ၀င်ရောက်ကြည့်ရင် တွေ့ရပါလိမ့်မည်။ App ထဲမှာ MB အများဆုံးတွေကို Clear Cache လုပ်ပါ။
၂) တစ်ခုခြင်း ရှင်းတာ တောင်မရတော့ဘူးဆိုရင်တော့ နောက်ဆုံး ဘာလုပ်လို့ရနိုင်မလဲဆိုတာက ရိုးရှင်းပါတယ်။ Factory Restart ချလိုက်ရုံပါပဲ။ Setting ထဲက Backup & Reset အောက်မှာဝင်ပြီး Factory data reset ချလိုက်ရင် ဖုန်းက ၀ယ်လာတဲ့အတိုင်း ပြန်ဖြစ်သွားပြီး Built in memory ထဲက Data တွေအကုန်ရှင်းသွားပါလိမ့်မယ်။ ဒါပေမယ့် ကြိုတင်သိထားရမှာက တင်ထားသမျှ ဂိမ်းတွေနဲ့ App တွေ Contact List တွေ SD Card ထဲကမဟုတ်တာ မှန်သမျှ အကုန်ကုန်ပါလိမ့်မယ်။
ဒီလိုမကုန်အောင် ဘယ်လို Backup ဆွဲထားမလဲ ဆိုတာကတော့ မိမိအိမ်မှာ Computer နဲ့ဆိုရင်တော့ ပိုပြီး အဆင်ပြေနိုင်ပေမဲ့ ဖုန်းထဲမှာတော့ ခက်ခဲပါလိမ့်မယ်။ လုပ်ဆောင်ရမှာက ရှိသမျှ လိုသမျှတွေ Backup ဆွဲမယ်။ ပြီးရင် Factory data reset ချမယ်။ ပြီးရင် Backup လုပ်ထားတဲ့ဟာတွေကို Restore ပြန်ခေါ် လိုက်ရင် အဆင်ပြေပါပြီ။
Today's Technology မိုဘိုင်းဖုန်းပြုပြင်နည်းသင်တန်း
0 comments:
Post a Comment