မေး။ ကမ္ဘာ့ ပထမဆုံး တင့်ကားကို တီထွင်တာ ဘယ်နိုင်ငံလဲ၊ ဘယ်သူလဲ၊ ဘယ်အချိန်က ထွင်ခဲ့တာလဲ၊ ဘယ်လို အလုပ်လုပ်သလဲ။
ဖြေ။ မြန်မာပြည်မှာ တပင်ရွှေထီး က တောင်ငူခေတ်ဦး အေဒီ ၁၇ရာစု ၀န်းကျင်မှာ ထွင်ခဲ့တာပါ။ ဆင်ပေါ် အမြောက်တင်ပြီး ပစ်တယ်ခင်ဗျ.. သည်တင့်ကားက တောင်ပေါ်လဲ တက်နိုင်၊ တောလဲ တိုးနိုင်ပြီး မောင်းဖို့ ဓာတ်ဆီလည်း ထည့်စရာ မလိုဘူး။ ဆင်က သွားရင်း လာရင်း သူ့အစာသူ ရှာစားတယ်။
မေး။ ကမ္ဘာ့ ပထမဆုံး ၀ိုင်ယာလက်စ် တကနိုလိုဂျီ ကို ဘယ်နိုင်ငံက စသုံးခဲ့လဲ။ ဘယ်တုန်းက စလဲ။ ဘယ်လို အလုပ်လုပ်လဲ
ဖြေ။ မြန်မာနိုင်ငံပါပဲ။ ပျူခေတ် ကတည်းကပါ။ ရန်သူလာရင် စည်တီးပြီး အချက် ပေးရင်း ဆည်ချိုး ချတဲ့ နေရာမှာ သုံးခဲ့ ပါတယ်။
မေး။ တယ်စွမ်းတဲ့ မြန်မာတွေပဲ။ ကဲ သည်မြန်မာတွေ ခုဘာလုပ်လို့ ဘာဖြစ်နေလဲ
ဖြေ။ ဆရာရော ခုဘာလုပ်နေလဲ
မေး။ မေးတာ မဖြေဘဲ မင်းဘာစကား ပြောတာလဲ။ မင်း စော်ကား ချင်တာလား။ မင်း မိုက်ရိုင်းလှချည်လား
မှတ်ချက်။ သူများဘာလုပ်နေလဲ ဆိုတာကိုပဲ လိုက်ကြည့်ရုံ ကြည့်နေပြီး လျှောက်ပြော ရုံ ပြောနေ တတ်သူဟာ လေ့လာမှုမပါခဲ့ရင် ကိုယ်တိုင် မှာလဲ ကိုယ်လုပ်စရာတွေကို ဖိဖိစီးစီး လုပ်ဖို့ အချိန်တွေ ဖြုန်းတီး ပစ်ရာ ရောက်နေပြီး ကိုယ့် ဗဟုသုတက ခေတ်နဲ့ ညီနေ ပေမယ့် ကိုယ့် စွမ်းဆောင်ချက်က ခေတ်နောက် ကျန်နေခဲ့ တတ်ပါတယ်။ သည်လိုပဲ မေးတာကို မေးသူ အကြိုက်လိုက် ဖြေရုံသာ ဖြေတဲ့ အဖြေကိုသာ မျှော်လင့်နေတတ်တဲ့ ဆရာ ဆိုသူများနဲ့ ပတ်သက် မိနေသမျှ စဉ်းစားတွေးခေါ်မှု အရည် အသွေးက တလွဲ ထက်မြက်ပြီး လူ့လောကအတွက် အသုံးမကျတဲ့ အားထုတ်မှုတွေပဲ ထွက်ပေါ်စေမှာ ဖြစ်ပါတယ်။
Credit-Mc wai yan
0 comments:
Post a Comment