`` ဆရာ....... ဆရာ´´ ရုတ်တရက်ခေါ်သံကြောင့်လှည့်ကြည့်
``လာထိုင်ပါဦးဆရာ...... ကော်ဖီသောက်ပါဦး၊ ဒီမှာ ငြိမ်းမမနဲ့ ဆရာ့ကို မိတ်ဆက်ပေးချင်လို့.´´ ပြန်ပြုံးပြရင်း ကျွန်တော်ဝင်ထိုင်လိုက်မိတယ်။
`` ဘာသောက်မလဲဆရာ... ကော်ဖီပဲလား.....´´
``ရတယ်ငြိမ်းငြိမ်း... ကော်ဖီပဲ´´ မတ်တတ်ထရပ်ရင်း ရိုရိုသေသေ မေးလာတဲ့တပည့်လေး ငြိမ်းငြိမ်းကို ပြန်ဖြေရင်း သူ့အစ်မကို လှမ်းကြည့်လိုက်မိတယ်.....
ပြုံးပြနေတဲ့မျက်နှာမဟုတ်တဲ့ ပြုံးနေတဲ့မျက်ဝန်းတွေနဲ့ မျက်ဝန်းတွေနဲ့ကြည့် နေတယ်... အသိအမှတ်ပြုတဲ့ သဘောလေ...။
`` မမ.... ဒါ ငြိမ်းတို့ဆရာ ဦးမျိုး၊ ဆရာ.... ဒါငြိမ်းမမ `` မေသက်နွယ်´´ တဲ့..... စီမံကိန်းက ဒုဦးစီးမှူးလေ... ဒီမြို့ နယ်ရုံးကို ခုမှ ပြောင်းလာတာ´´
``ဟုတ်ကဲ့ မမေသက်နွယ်.... ကျွန်တော် မျိုးခန့်ဦးပါ.... ၀မ်းသာပါတယ်´´ ပြောရင်း မတ်တတ်ရပ် လက်ကမ်းပေးလိုက်မိတယ်၊
``ဟုတ်ကဲ့ ဆရာ.... ငြိမ်းငြိမ်းက သူ့ဆရာကို ချီးကျူးလွန်းလို့.... တွေ့ဖူးချင်တာနဲ့ လိုက်လာတာ နွယ်လည်း တွေ့ရတာ ၀မ်းသာပါတယ်...´´သူလည်းလက် ပြန်ကမ်းပေးပြီး လက်ဆွဲ နှုတ်ဆက်လာတယ်.... ထူးဆန်းတာက ဒီတစ်ခါ လက်ဆွဲနှုတ်ဆက်ရတဲ့ အထိအတွေ့ကို ထူးထူးဆန်းဆန်း သတိထားမိလိုက်တာပါပဲ၊ နွေးထွေးနေတယ်လို့လေ.......၊ ကော်ဖီသောက်ရင်းစကားခဏပြောဖြစ်တ
စိတ်ပညာသင်ရတဲ့ ဆရာတစ်ယောက်ဖြစ်လေတော့လည်း..... နွယ်နဲ့ မကြာခင်မှာ ရင်းနှီးသွားကြတယ်.... ကျွန်တော့်ကို ``ကိုမျိုး´´ သူ့ကို ``နွယ်´´လို့ ခေါ်ဖို့ သဘော တူခဲ့ကြတယ်။
နောက်တစ်ခုက ကျွန်တော် တင်ထားတဲ့ စာတမ်းလေးအကြောင်း.......၊ ဒီစာတမ်းလေးနဲ့ ပတ်သက်ပြီး အားရက်တစ်ခုမှာ ဆွေးနွေးဖို့ သဘောတူပြီး ကျွန်တော် နှုတ်ဆက် ထွက်လာခဲ့တယ်။
ငြိမ်းငြိမ်းတို့နဲ့ လမ်းခွဲပြီး ကျောင်းထဲဝင်လာရင်း သနပ်ခါးနံ့လေး မွှေးနေသေးတာကို သတိထားမိလိုက်တယ်.... ။
ထိုင်နေတုန်းကလည်း ဒီသနပ်ခါးနံ့လေးရနေခဲ့တယ်၊ အခု... ထလာတော့လည်း ဒီအနံ့လေးက ရနေတုန်းပဲ......
ဝေခွဲမရဖြစ်နေတယ်၊
နောက်..... လက်ကိုနမ်းကြည့်တော့.... လက်မှာလည်း မွှေးနေတယ်၊
နွယ်နဲ့ လက်ဆွဲနှုတ်ဆက်ခဲ့တုန်းက ကျွန်တော့်လက်မှာ မွှေးကျန်နေခဲ့တဲ့ သနပ်ခါးနံ့လေးပါပဲ.... ဘာကြောင့်မှန်း စဉ်းစားမရပေမဲ့ နောက် တစ်ကြိမ်ကြုံရင်တော့ မေးကြည့်ရဦးမယ်လို့.... တွေးရင်း လက်ဖ၀ါးလေးကို နမ်းလိုက်မိတယ်...။
ဘေးက ဖြတ်သွားတဲ့ ကျောင်းသားတွေကတော့ ပြုံးစိစိနဲ့ စိတ်ပညာဆရာဆိုတော့လည်း ဂေါက်တောက်တောက်လို့များ ထင်သွားလေသလား ကျွန်တော်ကတော့ ရှက်ကိုးရှက်ကန်း တောင်ကြည့်၊ မြောက်ကြည့်နဲ့ပေါ့.....။
`` ဒီစာတန်းလေးနဲ့ ပတ်သက်လို့တော့ ကျွန်တော် ဘာမျှော်လင့်ချက်မှ မရှိပါဘူးနွယ်၊ ကျောင်းကောင်စီကရော.. ပါ/ချုပ် ကရော အထူးပြုစာတမ်းအနေနဲ့ပဲ ထားပေးမယ်၊ ဘွဲ့ပေးလို့မရဘူးလို့ပြောတယ်ဗျ.
ဒီ.... ``ရှင်သန်ခြင်း´´ ဆိုတဲ့ စာတမ်းက တကယ်တော့ ကျွန်တော် ဘုရားဟောထားတဲ့ ``မဂ္ဂင်ရှစ်ပါး တရားတော်´´ကို ပြန်ရေးထားတာဗျ... ဖတ်လို့ အင်မတန် အဓိပ္ပါယ်ရှိပေမဲ့... ဘုရားဟော တရားတော်ကို ကျောရိုးယူရေးဖွဲ့ထား လို့ ဘွဲ့မပေးဘူးလေ.....´´
ကျွန်တော်ပြောပြတာကို နွယ် စိတ်ဝင်တစားနားထောင်နေတယ်၊ သူ အံ့သြနေတယ်ထင်တယ်၊
`` ဒါဆို ဖြစ်နိုင်ရင် နွယ် ဖတ်ကြည့်ချင်တယ်ဆရာ... အဲ... ကိုမျိုးရဲ့......ဟီး´´ သူ အခေါ် မှားသွားတယ်ထင်တယ်...... စကားပြောနေပေမဲ့ ကော်ဖီလေးတွေကတော့ အေးနေပြီ.....
နွယ်က ကျွန်တော့်ကို တွေ့တာနဲ့ ကော်ဖီခါးခါးကြိုမှာပေးတယ်၊ ဘာမှ မမေးတော့ဘဲနဲ့လေ.....။ သူ.. ကျွန်တော်နဲ့ပတ်သက်တာတွေကို မှတ်သားတတ်ခဲ့ပြီဆိုတာကိုတော့..
`` ဒါနဲ့ နွယ်.. တစ်ခုလောက်မေးကြည့်ချင်တယ်... နော်´´
`` ဟုတ်..... ကိုမျိုး မေးလေ´´ သူစူးစမ်းတဲ့ အကြည့်နဲ့ ကြည့်နေတယ်.....။
`` ဟိုလေ..... ဟိုနေ့က နွယ်နဲ့ ကျွန်တော် လက်ဆွဲ နှုတ်ဆက်တုန်းကလေ.... ကျွန်တော့်လက်မှာ သနပ်ခါးနံ့လေး ကျန်နေခဲ့တယ်.. အဲဒါ သိချင်လို့ပါ´´
ကျွန်တော်ပြောလို့ အပြီးမှာ နွယ်က ကြိတ်ပြီး ရယ်ပါတော့မယ်.....
`` ဟိုနေ့က ကျောင်းထဲ ၀င်ခါနီးမှာ လက်ကို နမ်းသွားတဲ့ အကြောင်း ငြိမ်းငြိမ်း သူငယ်ချင်းတွေက ပြောပြလို့.... နွယ်သိပြီးပြီ... နွယ်တို့ အတူထိုင်နေတာကို ကျောင်းသားတွေ မြင်တယ်လေ.... ဟီး´´ တဲ့။
ကျွန်တော် မလုံမလဲနဲ့ ``ဟာ....... အဲဒါကကျွန်တော်က သနပ်ခါးနံ့ ကြိုက်လို့ပါဗျ.... ´´ ကျွန်တော် ရှက်ကိုးရှက်ကန်းပြောလိုက်မိတယ်
`` ရွှေပြည်နန်း´´ အော်ဒီကလုံး(သနပ်ခါးနံ့)လေးကို သူသိပ်ကြိုက်လို့ ရေမွှေးအစား သုံးတယ်ဆိုတဲ့ အကြောင်း၊ ဒီအနံ့လေးက တော်တော်နဲ့ မပျောက်တဲ့ အကြောင်း၊ ကျွန်တော် သနပ်ခါးနံ့လေးကြိုက်တဲ့အတွက် မဆီမဆိုင် သူ... ၀မ်းမြောက်ကြောင်း ပြောခဲ့တယ်၊ ဘာမှ ပြန်မပြောမိခဲ့ပေမဲ့ ကျွန်တော် တိတ်တခိုးလေး ကျေနပ်နေခဲ့ပါတယ် နွယ်ရယ်၊ တစ်ခုလည်း ကောင်းပါတယ်. ကျွန်တော် ... နောက် သူနဲ့ ရင်းနှီးဖို့ အခွင့်အလန်းတွေ ပိုခဲ့တာပေါ့.... နောက် တစ်ခါ မဆင်မခြင် မနေဖို့တော့သတိထားရတော့မယ်.... ကျောင်းသားတွေ ကြည့်နေတယ်လေ။
ဒီလိုနဲ့ တစ်နှစ်မပြည့်ခင်မှာဘဲ..... `` နွယ်သည် ကျွန်တော့်ဘ၀..´´ ကျွန်တော်သည် နွယ့်ကမ္ဘာဖြစ်ခဲ့ကြတယ်....။
ကျွန်တော် ထူးဆန်းစွာ ချစ်ခဲ့မိတယ်... သနပ်ခါးရနံ့လေးနဲ့ အတူပါပဲ..... ကျွန်တော်တို့ ဆုံဖြစ်တိုင်း ငယ်ငယ်က ကျွန်တော့်အကြောင်း၊ သူ့အကြောင်း...
နောက် မဂ္ဂင်ရှစ်ပါး တရားတော်တွေရဲ့ အကြောင်း၊ စိတ်ပညာ သဘောသဘာဝတွေအကြောင်း၊ သူ့ရဲ့ စီမံကိန်းဆိုင်ရာ လုပ်ငန်းတွေရဲ့ အကြောင်း၊ လက်တွေ့ ကွင်းဆင်းဆောင်ရွက်မှုတွေ အတွက် ကျွန်တော်က အကြံပေးတာတွေရော... ရှင်းပြတာတွေရော တော်တော်လေး ပြောဖြစ်ခဲ့ကြတယ်...။
ဌာနက ပေးတဲ့ သူ့အဆောင်မှာလည်း ရုံးပိတ်ရက် ကျောင်းပိတ်ရက်တွေမှာ သူကိုယ်တိုင်ချက်ကျွေးတဲ့ ကျွန်တော်စားချင်ခဲ့တဲ့ ထမင်းဟင်းတွေကို အတူတူ စားဖြစ်ခဲ့ကြတယ်၊ တကယ့်ကို စိတ်ချမ်းမြေ့ ပျော်ရွှင်ခဲ့ရတဲ့ အချိန်လေးတွေပါပဲ....။
သိပ်မကြာခင်မှာ နွယ် ရာထူးတက်ပြီး တခြားမြို့ တစ်မြို့ကို ပြောင်းရွှေ့ သွားခဲ့တယ်။
ကျွန်တော်တို့ အတူနေဖို့ အဆင်သင့်မဖြစ်သေးတာကြောင့် တစ်နေရာဆီကိုတော့ ခွဲခဲ့ရပြီလေ....။
ကျွန်တော် နေ့တိုင်းလွမ်းနေပါတယ်.....။
နောက်ညတိုင်းလည်း သတိရမိတယ်၊ ဖုန်းတွေလည်း အကြာကြီး ပြောဖြစ်ခဲ့တယ်.....
အထူးသဖြင့် နွယ့်ကို တမ်းတရလို့ စားမ၀င်ကြောင်းနဲ့.. နွယ်ကလည်း ကျွန်တော့်ကို လွမ်းလို့ အိပ်မပျော်နိုင်တဲ့ အကြောင်းတွေပါပဲ.....၊
ဝေးနေမှ တမ်းတရခြင်းတွေနဲ့ အရိပ်သဏ္ဍာန်တွေက ပိုပြီး ထင်ရှားခဲ့သလိုပါပဲလေ..။
ကျွန်တော်ခိုင်မာတဲ့ ဆုံးဖြတ်ချက်တစ်ခုကို ချထားခဲ့တယ်၊ မကြာခင် လပိုင်းအတွင်းမှာ နွယ်နဲ့ အတူ နေတော့မယ်လို့....။
အခု... ကျွန်တော် `` ဓမ္မစက္က ပ၀တ္တန သုတ်တော်နဲ့ အနတ္တလက္ခဏာ သုတ်တော်´´ မြန်မာပြန်ကို ဖတ်နေမိတယ်၊ အရင်က ဘ၀ရဲ့ နေထိုင်နည်း ဖြစ်တဲ့ မဂ္ဂင်ရှစ်ပါးတရားတော် ကို လေ့လာကြည်ငြိုပြီး စာတမ်း တစ်စောင်တင်ခဲ့ဖူးတယ်၊
အခုတော့.... ဘယ်အရာမှ တည်မြဲခြင်းမရှိဆိုတဲ့ အနတ္တသဘောတွေကို နားလည်ချင်တာရယ်... ရင်ထဲမှာ ဖြစ်တည်နေတဲ့ သောကအပူလေးတွေကို ငြိမ်းစေချင်တာရယ်ကြောင့် ဖတ်နေခဲ့တာပါ......။
လွန်ခဲ့တဲ့ (၃)နှစ်လောက်က ချစ်ရသူနွယ် ကျေးလက်ဒေသတစ်ခုကို ကွင်းဆင်း စစ်တမ်းတွေကောက်ယူရင်းကားမှောက်
ကျွန်တော် ရူးသွပ်ခြင်းတွေကို မြိုသိပ်ပြီး တည်ငြိမ်အောင်ကျိုးစားခဲ့ရတယ်..
နွယ့် ကို မြှုပ်နှံခဲ့တဲ့နေ့လေးမှာ အမှတ်တရ အဖြစ် သနပ်ခါးပင်လေးကို ကျောက်စရစ်ခဲလေးတွေနဲ့ မြေပြုပြင်ပြီး `` နွယ့်ကို မြတ်နိုးစွာ ချစ်ခြင်းမှန်ပါက ရှင်သန်ပါစေ....´´လို့ ဆုတောင်းရင်း ကျွန်တော် စိုက်ခဲ့တယ်....။
ဒီလို မိုးများတဲ့ ဒေသမှာ ပေါက်ရောက် ရှင်သန်ဖို့ ခက်ခဲပေမဲ့ ကျောက်စရစ်ခဲလေးတွေ ကြောင့်လား၊ ကျွန်တော့်ရဲ့ ချစ်ခြင်းကြောင့်လား၊ ရာသီဥတု အဆင်ပြေခဲ့လို့လားတော့ မသိပါဘူး သူအခု ရှင်သန်ကြီးထွားခဲ့တာ အပွင့်တွေတောင်ပွင့်နေပြီလေ....
ယ် မရှိတော့တဲ့ အချိန်မှာ... နွယ့် ကိုယ်စား သနပ်ခါးပင်လေးက သနပ်ခါးရနံ့လေးတွေ မွှေးနေတော့မယ်...။
ကျွန်တော်... ဒီရနံ့လေးတွေနဲ့ ဆက်လက်ရှင်သန်နေဦးမှာပါ.... နွယ့်ကို မြတ်နိုးနေရင်းနဲ့လေ.....။
ကြုံတိုင်းမှာလည်း ကျွန်တော် ကြည်ငြိုခဲ့တဲ့ မဂ္ဂင်ရှစ်ပါးတရားတော် ကို တပည့်တွေဆီကို တဆင့် ပြန်လည်ရှင်းပြရင်း....၊
ကျွန်တော်ကိုယ်တိုင် လိုက်နာ ကျင့်သုံးရင်း၊
နွယ်နဲ့ ပတ်သက်ပြီးတော့လည်း အနတ္တ သဘောအတိုင်း ဆင်ခြင်အောက်မေ့ရင်း နေထိုင်လာခဲ့ပေမဲ့....
နွယ့်ကို မေ့မရနိုင်ခဲ့တာကိုတော့ အပြစ်တစ်ခုလို မခံယူတော့ပါဘူး။
ကျွန်တော် ရင်ထဲမှာ တရားမရှိလို့ မဟုတ်ပေမဲ့.... စိတ်ပညာသဘောအရ.... ကျွန်တော့်ရဲ့ အတွင်းစိတ်ထဲမှာ.. ကျွန်တော် တမ်းတမျှော်လင့်ခဲ့တဲ့ ကျွန်တော့်ရဲ့ မသိစိတ်ထဲမှာ နွယ်က ကိန်းအောင်းနေခဲ့တယ်လေ.... ချမ်းမြေ့ခြင်းတွေနဲ့ အတူပေါ့။
အခု..... သနပ်ခါးနံ့လေးသင်းနေတယ်ဗျာ..... ချစ်ရတဲ့ နွယ်လေး ကောင်းရာမွန်ရာ ရောက်ပါစေ....လို့လည်း ဆန္ဒပြုမိပါတယ်...။
ကျွန်တော့် နှလုံးသားထဲမှာ နောက်ထပ် စိတ္တဇဆန်တဲ့ အတွေးလေးတစ်ခုလည်း ရှိနေခဲ့သေးတယ်။
နွယ်ရေ.... တကယ်လို့ ဇာတိဿရဥာဏ် ရရှိနိုင်တဲ့ လူဝင်စားလေးဖြစ်ခဲ့ရင်..... ကိုမျိုးဆီကို လာလည်နော်.. တစ်ခါလောက်တွေ့ခွင့်လေး ရချင်သေးလို့ပါ..။
(ကွန်ဆူးမား)
1 comments:
ကွန်ဆူးမား လာဖတ်သွားပါတယ်ဗျာ..
Post a Comment