Pittsburgh ဆိုတဲ့မြို့ကြီးမှာ လက်ဝှေ့အကျော်အမော် နှစ်ယောက် ရှိပါတယ်။
Henry 'Razor' Sharp နဲ့ Billy 'The Kid' McDonnen တို့ ဖြစ်ပါတယ်။
Razor နဲ့ Kid ပေါ့။
သူတို့နှစ်ယောက်က ပြိုင်ဘက်တွေပါ။
လုံးဝမတည့်ပါဘူး။
သူတို့ကိုလိုက်ပြီး မြို့ကပရိသတ်ကလည်း နှစ်ခြမ်းကွဲသွားပါတယ်။
တစ်ခြမ်းက Razor ကို အားပေးတယ်။
နောက်တစ်ခြမ်းက Kid ကို အားပေးတယ်။
အဲသလိုမျိုး အပြိုင်အဆိုင်ပြင်းထန်လှတဲ့ ပြိုင်ဘက်နှစ်ယောက်ပါ။
သူတို့နှစ်ယောက်လုံးဟာ လက်ဝှေ့လောကမှာ ပြိုင်စံရှားပုဂ္ဂိုလ်တွေပါပဲ။
သူတို့ထိုးသတ်လာခဲ့တဲ့ ပွဲစဉ်တွေအားလုံးမှာ တစ်ယောက်တစ်ပွဲဆီပဲ ရှူံးဖူးပါတယ်။
Kid က Razor ကို တစ်ခါရှုံးတယ်။
Razor က Kid ကို တစ်ခါရှူံးတယ်။
အဲဒီတော့ သူတို့နှစ်ယောက်မှာ ဘယ်သူကသာတယ်ဆိုတာ အနိုင်အရှုံးမကွဲပြားဘူးပေါ့။
လူတိုင်းက သူတို့နှစ်ယောက်ကို နောက်တစ်ပွဲထိုးစေချင်တယ်။
ဘယ်သူသာသလဲ ပြတ်ပြတ်သားသား သိချင်တယ်။
အဲဒီအချိန်မှာပဲ ရုတ်တရက် Razor က ထပြီး ကြေငြာလိုက်တယ်။
သူ လက်ဝှေ့လောကမှ အနားယူတော့မယ်တဲ့။
အားလုံးက အံ့အားသင့်သွားကြသလို နှမြောတသလည်း ဖြစ်ကြရပါတယ်။
တကယ့်ပွဲကြီးပွဲကောင်းကြီးကို လွတ်သွားရပြီကိုး။
အဆိုးဆုံးကတော့ Kid ပါပဲ။
Kid က ဒါကို လုံးဝမကျေနပ်ပါဘူး။
သူက နောက်တစ်ပွဲ ထပ်ထိုးချင်တယ်။
အဲဒီပွဲမှာ သူ အနိုင်ထိုးပြီး သူသာကြောင်း ပြချင်တယ်။
အခုတော့ သူ့မှာ ဒီအခွင့်အရေးကြီး လက်လွတ်သွားရပြီ။
ပြီးတော့ သူတို့နှစ်ယောက် ပထမတစ်ခါထိုးတုန်းက သူနိုင်ထားတာ။
ဒုတိယတစ်ခါထိုးတော့ သူ ရှူံးသွားတယ်။
အခုလို ရုတ်တရက် Razor က အနားယူလိုက်တော့ သူ့ကို အနိုင်ပိုင်းသလို ဖြစ်သွားတာပေါ့။
အဲဒါကို လုံးဝ ကြိတ်မနိုင်ခဲမရဖြစ်ပြီး အသက်တွေလည်း ကြီးလာပါပြီ။
ဒီတော့မှ သူတို့နှစ်ယောက် လက်ဝှေ့ထိုးဖြစ်ဖို့ အကြောင်းအရာတွေက ဖန်တီးလာတဲ့အတွက်.....
ကြိုးဝိုင်းထဲမှာ နောက်တစ်ကြိမ်ပြန်တွေ့ကြတဲ့ သူတို့နှစ်ယောက်...........
ဘယ်သူက နိုင်သွားသလဲဆိုတာ........
ဒီဇာတ်ကားလေးမှာ ခံစားကြည့်ကြပါဦး။
ဇာတ်လမ်းကို ကြည့်ရင်းနဲ့ သူတို့နှစ်ယောက်ရဲ့ လျှို့ဝှက်ချက်တွေကိုလည်း သိလာရပါလိမ့်မယ်။
နောက်ပြီး အားကစားသမားကောင်းတစ်ယောက်ရဲ့ စိတ်ဓာတ်ကိုလည်း ဒီဇာတ်ကားထဲမှာ လေ့လာရမှာပါ။
Razor အဖြစ် မင်းသားကြီး Sylvester Stallone ၊ Kid အဖြစ် မင်းသားကြီးRobert De Niro တို့က သရုပ်ဆောင်ထားပါတယ်။
ဒါရိုက်တာကတော့Peter Segal ဖြစ်ပါတယ်။
ဒီဇာတ်ကားဟာ IMDb မှာ rating 6.6 ရထားပါတယ်။
ကျွန်တော်က ဇာတ်ကားတစ်ကားကို rating ပေးတဲ့အခါ IMDb ကိုပဲ အားကိုးပါတယ်။
သူက ရုပ်ရှင်ဝါသနာရှင်တွေက ပေးတဲ့ကြယ်ပွင့်ကိုကြည့်ပြီး သတ်မှတ်ပေးတာဖြစ်ပါတယ်။
rotten tomatoes ကတော့ ဝေဖန်ရေးဆရာတွေက ပေးတာဖြစ်ပါတယ်။
သူတို့ကတော့ ပညာရှင်ရှုထောင့်ကနေ သုံးသပ်ပြီး ပေးတာ ဖြစ်ပါတယ်။
အဲဒီအတွက်ကြောင့် အတတ်ပညာပိုင်းတွေကိုပါ ထည့်စဉ်းစားကြပါတယ်။
ကျွန်တော်ကတော့ ရုပ်ရှင်ကားတစ်ကားကြည့်လို့ ကိုယ့်ကို စိတ်ကျေနပ်မှုပေးနိုင်တယ် ဖျော်ဖြေမှုကောင်းကောင်းပေးနိုင်တယ်ဆိုရင် သဘောကျပါတယ်။
ကျွန်တော်က ဝါသနာရှင်ပါ။
ပညာရှင်မဟုတ်ပါဘူး။
အဲဒီအတွက်ကြောင့် IMDb ကိုပဲ အားကိုးပါတယ်။
ဘာဖြစ်လို့ ဒါကို ရှင်းပြနေရတာလဲဆိုတော့ ဒီဇာတ်ကားဟာ rotten tomatoes မှာ rating 30% ပဲ ရထားတာကြောင့်ပါ။
ကြည့်ရန် Movie Locos ကိုနှိပ်ပါ။
ဒေါင်းရန် Movie Locos ကိုနှိပ်ပါ။
ကျွန်တော့်ရဲ့ ဖေ့စ်ဘုတ်ပေ့ခ်ျ Movie Locos ကို အားပေးကြပါဦးခင်ဗျာ။
0 comments:
Post a Comment