<<<<< Valentine Day ကို မုန်းတယ် >>>>>

`` ချစ်သူဘ၀မှာ သူ့ပါးကို တစ်ချက်ထဲ နမ်းခဲ့ဘူးတာပါ၊ သူနဲ့က အကြာကြီးလည်း ချစ်သူတွေ မဖြစ်ခဲ့ဘူးပါဘူး၊ တစ်လလောက်ပါပဲ´´
ရှုံ့ တွနေတဲ့ မျက်ခုံးတွေနဲ့ မျက်နှာကိုလည်း အောက်ချထားတယ်၊ ပြောသာ ပြောနေရတာ ဘ၀င်မကျသလိုပါပဲ၊


သူ့ကိုကြည့်ရင်းနဲ့ နည်းနည်းလေးတော့ စိတ်ထဲမှာ တစ်မျိုး ဖြစ်လာတာ သတိထားမိလိုက်တယ်။

`` ဘာကြောင့် ကွဲသွားကြတာလဲ´´ သူမော့ကြည့်တယ် အေးစက်တဲ့ မျက်ဝန်းတွေနဲ့ပေါ့၊ ပြီးတော့ အေးစက်စက်ပဲ ပြန်ပြောတယ်။

`` ဒီလိုပါပဲ´´တဲ့။
စကားဝိုင်းလေး ခဏရပ်သွားတယ်။
ဘယ်လောက်ကြာသလဲဆိုတော့ ကမ္ဘာကြီး တစ်ခုရဲ့ သက်တမ်းလောက် ဖြစ်မှာပေါ့။

ထူးဆန်းတဲ့ အရောင်တွေ၊ ရနံ့တွေနဲ့ ဖုံးလွှမ်းပြီးတော့လေ၊ ဒါပေမဲ့ နှစ်သက်စရာတော့ မဖြစ်ခဲ့ပါဘူး။

စဉ်းစားလို့မရခဲ့ဘူး၊ ဘာကြောင့်ချစ်ခဲ့မိတာလဲလို့....
ဆုံးဖြတ်ချက်လည်း မချနိုင်ခဲ့ဘူး၊ ဘာကြောင့် မေ့ချင်ခဲ့တာလဲဆိုတာ။

ခဏခဏလည်း စဉ်းစားမိတယ်၊ ကျွန်တော့်ကို ချစ်နေရင်းနဲ့ တစ်ယောက်ကို သူ သတိရနေတတ်သလား ဆိုတာလေ။

ကျွန်တော့်ကိုဘေးမှာ ထားရင်းနဲ့ တစ်ယောက်ကို သူ့မျက်ဝန်းတွေထဲမှာ တွေ့နေခဲ့သလားလို့....။

သူ့ရဲ့ အိပ်မက်ထဲကိုရော တစ်ယောက်က ၀င်ရောက်ခဲ့ဘူးသလား...၊ ဒါမှ မဟုတ် ၀င်ရောက်နေဆဲလား၊ နောက်ပြီး သူ အားငယ်နေတဲ့ အချိန်မှာ သူ့အတွေးထဲကို ဘယ်သူရောက်ရှိနိုင်လဲ၊ သူတမ်းတတဲ့သူက ဘယ်သူဖြစ်မလဲ။

နောက်ပြီး ..... နောက်ပြီး.........
မသဲကွဲတဲ့ စိတ်တွေကို မုန်းချင်လိုက်တာ........

ဒီကောင်မလေးကို လွတ်လွတ်လပ်လပ် ချစ်နေချင်လိုက်တာ၊ ဘာကြောင့်များ တစ်ယောက်က ရှိနေနှင့်တာလဲလို့.....

လေထဲကို လက်သီးတစ်ချက် ထိုးသွင်းလိုက်တယ်.... ဒီ.....ထိုးချက်တွေနဲ့ အတူ မကျေနပ်ခြင်းတွေ ပါသွားခဲ့ရင် ဘယ်လောက်များ ကောင်းလိုက်မလဲ......။

အေးစက်သွားတဲ့ ကိုယ့်ရဲ့ ခံစားချက်တွေရဲ့ နောက်မှာ တောင့်တခြင်းတွေ ကပ်ပြီး ပါလာခဲ့တယ်ထင်တယ်....။

အိပ်မက်တွေလည်း မက်တတ်လာတယ်..... ဖြူလွှနေတဲ့ ၀တ်စုံလေးနဲ့ ဇာခြည်မျှင်တန်းလေးတွေလည်း လေထဲမှာဝေ့၀ဲလို့။

ဆန့်တန်းထားတဲ့ ကျွန်တော့်ရဲ့ လက်နှစ်ဘက်ကြားမှာ သူ ခိုတွယ် ပျော်ပါးနေလေရဲ့။ လှပတဲ့ ဥယျာဉ်ကြီးထဲမှာလေ..... စိတ်ကူးယဉ်ဆန်တဲ့ ကမ္ဘာလေးထဲမှာပေါ့....

ကောင်မလေးရဲ့ အပြုံးတွေ၊ ရယ်သံတွေနဲ့ ပန်းရနံ့လေးတွေလည်း မွှေးပျံ့နေတယ်..... တစ်လောကလုံးမှာ နှစ်ယောက်ထဲရယ်လေ....။

ဒီလိုအိပ်မက် မက်တဲ့ညတွေမှာ နိုးလာတဲ့ အချိန်ဆိုရင် မျက်လုံးတွေကို ချက်ချင်းမဖွင့်ဖြစ်ခဲ့ပါဘူး..... သူ ပျောက်ဆုံးသွားမှာစိုးလို့ပေါ့....။

`` ဘယ်နေ့မှာ နမ်းဖြစ်ခဲ့တာလဲ´´ ဘာရယ်ကြောင့်မှန်းမသိပါပဲ အဲဒီတုန်းက အမှတ်တမဲ့ မေးဖြစ်ခဲ့တယ်၊

သူ.... အားနာတဲ့ မျက်ဝန်းတွေနဲ့အတူ... `` Valentine Day မှာပါ´´ လို့ ဖြေခဲ့တယ်။ စကားလေးအဆုံးမှာ ကျွန်တော် လွင့်ထွက်သွားမိသလိုပါပဲ။

အဲဒီတုန်းက သူ အမှတ်တရစိတ်နဲ့ နမ်းရှိုက်ခဲ့တာပေါ့........
ဒီမွှေးရနံ့လေး ဘယ်လောက်ထိ ကောင်မလေး ရင်ထဲမှာ မွှေးပျံ့နေခဲ့သလဲ..... ဘယ်လောက်ကြာကြာ တည်တံ့နေမှာလဲ....လို့။

အားအင်တွေ ကုန်ခမ်းသွားတယ်။

ပြောမပြတတ်အောင်လည်း နှမြောမိတယ်၊ နောက်ဆုံး နားလည်လိုက်တာက ပြင်းပြင်းပြပြ ၀မ်းနည်းသွားရတယ် ဆိုတာပါပဲ........။

သိချင်လွန်းတဲ့ ဆန္ဒလေးတစ်ခု ရှိသေးတယ်။
မေးမလို့လည်း ပြင်ဆင်ခဲ့မိတယ်။

စဉ်းစားမိတိုင်းလည်း အာခေါင်တွေခြောက်ကပ်လာတယ်။ မေးမယ်လို့ ပြင်တယ်၊ ပြီးတော့ ပြန်ပြီး မြိုသိပ်လိုက်ရတယ်။

ဒီလို အကြိမ်ပေါင်းများစွာ ဖြစ်ခဲ့တာက သူ တစ် ခုခုကို ပြန်ဖြေလိုက်မှာ စိုးလို့လေ၊
ကျွန်တော် ဘာမေးချင်ခဲ့သလဲ သိလား..

`` သူကရော´´လို့ မေးချင်ခဲ့တာ၊ မမေးရဲခဲ့ပါဘူး၊

ကြောက်တယ်ဗျာ၊ ကျွန်တော်အရမ်းကြောက်တယ်၊ ကောင်မလေးပဲ နမ်းခဲ့တာ ဖြစ်မှာပါ။

ဘာလို့လဲ ဆိုတော့ ကျွန်တော်လည်း ကောင်မလေးကို မနမ်းဖြစ်ခဲ့သေးဘူးလေ၊
ဟိုတစ်ယောက်ကလည်း ဒီလိုပဲ ဖြစ်မှာပေါ့နော်။ ဒါပေမယ့် သူနဲ့ ကျွန်တော်က တူနိုင်ပါ့မလား မသိတော့ပါဘူး။

သူ့ကိုတော့ကောင်မလေးက ``တစ်ချက်´´နမ်းခဲ့ဘူးတယ်။ ချစ်သူများ နေ့မှာပေါ့.. ကျွန်တော့်ရဲ့ ပါးကိုတော့ ကောင်မလေး အခုထိ မနမ်းခဲ့သေးပါဘူး။

ကျွန်တော် ဟိုတစ်ယောက်နဲ့ ယှဉ်ကြည့်မိတယ်။ တစ်လလောက် အချိန်လေးအတွင်းမှာ ကောင်မလေးရဲ့ အနမ်းကို သူရခဲ့တယ်၊

ကျွန်တော် (၈)လရှိခဲ့ပြီ၊ ကောင်မလေးရဲ့ မြတ်နိုးခြင်းတွေကိုတောင် မရခဲ့သေးဘူးလို့ ခံစားမိခဲ့တယ်။

အနမ်းလေးတွေဆိုရင်တော့ ဝေးရောပေါ့......။

``Valentine Day´´ တဲ့၊
ဒီ နေ့ကို ကျွန်တော်မုန်းတယ်၊ ကျွန်တော်နဲ့ လုံးဝမပတ်သက်ခဲ့တဲ့ နေ့လေးတစ်နေ့ ဖြစ်နေလို့ပါ။

အဲဒီနေ့မှာ ချစ်သူတွေအတွက် ခိုင်မြဲတဲ့ ကတိစကားတွေလည်း ပျံ့လွင့်နေမှာ...... နောက်ပြီး အချစ်ပန်းလေးတွေ ပွင့်တဲ့ နေ့လေးလည်း ဖြစ်ခဲ့မှာလေ၊

အခုတော့ ဒီ Valentine Day.... က ကျွန်တော့် ဘ၀ပြက္ခဒိန်တွေထဲမှာ အနီရောင် အလွှာပါးလေးနဲ့ ဖုံးအုပ်ထားလေရဲ့၊

အဲဒီနေ့မှာပျော်ရွှင်ကြည်နူးနေကြတဲ့ ချစ်သူတွေကို မြင်တွေ့နေရရင်ရော ကျွန်တော် ပျော်ရွှင်ပါဦးမလား။

ဒါပေမယ့် ``Valentine Day´´ ချစ်သူများနေ့လေးက ရောက်လာတော့မယ်။
ကျွန်တော် အကောင်းဆုံးကျော်ဖြတ်မယ်လေ...။

တစ်ခုပဲလိုချင်ပါတယ်။ ချစ်သူများနေ့ မတိုင်မီ ညမှာ ကျွန်တော် နှစ်သက်မြတ်နိုးတဲ့ အိပ်မက်ကလေးကို မက်ပါရစေလို့၊ တကယ်လို့ ဒီအိပ်မက်လေး တကယ်မက်ဖြစ်ခဲ့ရင် မနက်မှာ မျက်လုံးမဖွင့်ပဲ အကြာကြီးဆက်ပြီး အိပ်စက်မယ်။

နောက်ပြီး အိမ်ထဲမှာ Valentine Day ကို တစ်ယောက်ထဲ တိတ်ဆိတ်စွာ ကျော်ဖြတ်မယ်..

အိမ်တံခါးကိုလည်း တစ်နေကုန်အောင် ပိတ်ထားမယ်.....

ဒါမှ ကျွန်တော့်ရဲ့ အိပ်မက်လေးနဲ့အတူ တစ်နေကုန်အောင် နေနိုင်မှာလေ.....

အဲဒီနေ့မှာ ကောင်မလေးက အရင်တစ်ယောက်ကို သတိရနေမလား၊ နမ်းခဲ့ဘူးတဲ့ အနမ်းလေးကို သတိရနေမလား၊ သူ့အနားမှာ ကျွန်တော် မရှိလို့ ၀မ်းနည်းနေမလား၊ ဒါမှမဟုတ်ရင်လည်း ကျွန်တော့်ကို ရှိနေစေချင်မလား၊ တစ်ခုခုတော့ ဖြစ်နေမှာပါ။

ဖြစ်စေချင်တာကတော့ အရင်တစ်ယောက်ကိုရော၊ ကျွန်တော့်ကိုရော သူမေ့နေရင် ကောင်းမှာပါပဲ။

ဖြစ်ချင်တိုင်းလည်း မဖြစ်ပါဘူးနော်။ စိတ်ကူးထားတဲ့ အတိုင်း မဖြစ်နိုင်ရင်လည်း ကောင်မလေးကို အပြည့်အ၀ ယုံကြည်နိုင်ဖို့ ကျွန်တော် ကြိုးစားရမှာပေါ့၊

ကျွန်တော် ဘယ်လိုမှ အပြစ်မတင်ရက်လို့... နောက်ပြီး ကောင်မလေးကို ကျွန်တော် မမေ့နိုင်လို့ပါ။

ကျွန်တော် `` Valentine Day´´ကို မုန်းတယ်ဗျာ၊ တကယ်မုန်းတယ် အဲဒီနေ့ကို...၊ မေ့လျော့ခြင်းတွေနဲ့ ကျော်ဖြတ်ချင်လိုက်တာ၊ ဒါပေမယ့်... ဘယ်လောက်ပဲ ၀မ်းနည်းနေပါစေ... ဘယ်လောက်ပဲ ကြေကွဲနေရပါစေ... ဘယ်လိုပဲ နှမြောနေရပါစေ..

နောက်ပြီး ဘယ်နေ့မှာပဲ ဖြစ်ဖြစ် ကောင်မလေးရေ.. Valentine Day ကို မုန်းပေမယ့် ``မင်းကို ကိုယ် တကယ် ချစ်ပါတယ်´´။

(ကွန်ဆူးမား)
၂၀၁၂ခုနှစ်၊ Valentine Day တွင် ရေးဖြစ်ခဲ့သော ပို့စ်လေးအား ပြန်လည်တင်ပြပါသည်

Posted in: ရသ စာပေ