♪ Website တွေမှာ ဗီဒီယိုတွေ အလိုအလျောက်ပွင့်နေတာကို ဘယ်လိုပိတ်မလဲ ♫

Website တွေမှာ တွေ့ရတဲ့ autoplay video တွေဟာ တခါတလေ တော်တော်စိတ်ညစ်စရာကောင်း ပါတယ်။ အရေးကြီးကိစ္စရှိလို့၊ ဖုန်းကနေ အင်တာနက်လွှင့်ပြီး၊ ကွန်ပြူတာနဲ့ website တွေကြည့်နေတဲ့ အခါမျိုးဆိုရင် အလိုအလျောက်ပြသတဲ့ autoplay video တွေကြောင့် ဖုန်းအင်တာနက်ဖိုးတွေ မလိုအပ်ဘဲကုန်ရသလို၊ စိတ်အနှောင့်အယှက် လည်း ဖြစ်ရပါတယ်။

ဒါဆို Web စာမျက်နှာတွေပေါ်က အလိုအလျောက်ပွင့်နေတဲ့ autoplay video တွေကို ဘယ်လိုပိတ်မလဲ။ နည်းလမ်းလေးကတော့ တကယ့်ကိုလွယ်ပါတယ်။
Website တွေပေါ် အလိုအလျောက်ပြသတဲ့ဗီဒီယိုအများစုဟာ Shockwave Flash နဲ့ အလုပ်လုပ်တာဖြစ်တဲ့ အတွက်ကြောင့်၊ Shockwave Flash ကိုအဓိကထားပြီး၊ ကန့်သတ်မှုတွေ လုပ်ရမှာဖြစ်ပါတယ်။

Chrome ဘရောက်ဆာသုံးသူဆိုရင်

Chrome သုံးသူတွေအတွက် နည်းလမ်းလေးက အလွန်လွယ်ကူပါတယ်။ ပထမဦးဆုံး browser ကနေ New Tab တစ်ခုခေါ်ပြီး၊ URL မှာ “chrome://chrome/settings/content” လို့ ရိုက်ထည့်လိုက်ပါ။
ထို့နောက် Plugins ဆိုတဲ့နေရာထိ အောက်ကို scroll ဆွဲချလိုက်ပြီး၊ Plugins ခေါင်းစဉ်အောက်က “Let me choose when to run plugin content” ကို အမှန်ခြစ် ခြစ်ပေးလိုက်ရုံပါပဲ။

Firefox ဘရောက်ဆာသုံးသူဆိုရင်

Firefox မှာ အလိုအလျေုာက်ပြသတဲ့ဗီဒီယိုတွေကို ပိတ်နည်းက Chrome နဲ့ နည်းနည်းကွဲပါတယ်။ Firefox မှာ Ctrl + L ကို နှိပ်ပြီး၊ URL ဘားကို ၀င်ပြီး “about:addons” လို့ ရိုက်ထည့်လိုက်ပါ။ ပြီးရင်  Plugins နေရာကိုသွားပြီး၊ Shockwave Flash ဆိုတာကိုရှာပါ။

တွေ့ရင် Always Activate ကနေ Ask to Activate ပြောင်းပေးလိုက်ပါ။ အခုလို Shockwave plugin ကို ပိတ်လိုက်ပြီးရင်၊ နောက်တစ်ခါ Flash ဗီဒီယိုပါတဲ့ ဆိုက်တွေမှာ ဗီဒီယိုတွေ မြင်ရတော့မှာမဟုတ်ပါဘူး။ ဗီဒီယိုတွေကြည့်ချင်တယ်ဆိုရင်တော့၊ ဘရောက်ဆာ ညာဘက်အပေါ်ထောင့်က Allow ကို နှိပ်ပေးလိုက်ပါ။

Internet Explorer သုံးသူတွေအတွက်

IE သုံးတဲ့သူ တော်တော်နည်းသွားပြီဆိုပေမယ့်လည်း၊ သုံးနေသူတွေအတွက် ဖော်ပြပေးလိုက်ပါတယ်။
window အပေါ်ဘက်၊ မီနူးဘားကနေ Tools> Manager add-ons ဆီသွားပါ။ Manage Add-ons  ဆိုတာ ကျလာရင်၊ Toolbars and Extensions ဆိုတာထဲဝင်ပြီး၊ Shockwave Flash Object ကို ကလစ်နှစ်ချက်လိုက်ပါ။

နောက်ထပ်ပေါ်လာတဲ့ More Information အကန့်အောက်က၊ Remove all sites ခလုတ်ကို နှိပ်လိုက်ရင် IE ဘရောက်ဆာမှာလည်း ဗီဒီယိုတွေ အလိုအလျောက်ပွင့်မှာမဟုတ်တော့ပါဘူး။
အလိုအလျောက်ပြသတဲ့ဗီဒီယို (auto play) ဗီဒီယိုတွေ အခုလို Plug-in နည်းနဲ့ ပိတ်နိုင်တယ်ဆိုပေမယ့်၊ ဒီဘတ်ခေတ်ဝက်ဘ်ဆိုဒ်တွေဟာ HTML5 video ဘက်ကို ပြောင်းကူးနေတာဖြစ်တာကြောင့်၊ တချို့ ဆိုက်တွေမှာ အထက်ပါနည်းတွေက အလုပ်ဖြစ်မှာမဟုတ်ပါဘူး။

ဒီအတွက်လည်း HTML5 သုံး ဗီဒီယို၊ ကြော်ငြာတွေကို ပိတ်နိုင်မယ့်နည်းလမ်းရှိပါတယ်။

Google Chrome မှာဆိုရင်

Chrome မှာဆိုရင် ဒီလို HTML5 ပိတ်နိုင်တဲ့ feature ပါဝင်ခြင်းမရှိပါဘူး။ ဒီအတွက် Disable HTML5 Autplay ဆိုတဲ့ chrome extension တစ်ခုကို Chrome Web Store ကနေ ဒေါင်းလုဒ်ဆွဲရပြီး၊ Chrome မှာ သွင်းပေးလိုက်ပါ။

Mozilla Firefox မှာဆိုရင်

Firefox မှာတော့ HTML 5 video ပိတ်တာက တပါတည်းပါလာပါတယ်။ ဒါပေမယ့် Firefox သုံးနေကျသူ မဟုတ်ရင် တွေ့ဖို့ခဲယဉ်းပါတယ်။
Firefox မှာပိတ်မယ်ဆိုရင်၊ New Tab တစ်ခုခေါ်ပြီး၊ URL နေရာမှာ “about:config” လို့ ရိုက်ထည့်လိုက်ပါ။ သတိပေးချက်တစ်ခုပေါ်လာရင်၊ Enter တစ်ချက်နှိပ်လိုက်ပါ။ ဒီအခါ စာရင်းတစ်ခုကျလာမှာဖြစ်ပြီး၊ အပေါ်က Search နေရာမှာ၊ autoplay လို့ ရိုက်ထည့်လိုက်ပါ။
အခုအခါ “media.autoplay.enabled” ဆိုတာလေးကို မြင်တွေ့ရမှာဖြစ်ပြီး၊ နဂိုအနေအထားမှာ သူ့ရဲ့ Value က True ဖြစ်နေပါလိမ့်မယ်။ ဒီစာသားလေးကို ကလစ်နှစ်ချက်နှိပ်လိုက်တာနဲ့ false လို့ ပြောင်းသွားမှာဖြစ်ပြီး၊ HTML 5 media တွေ အလိုအလျောက်ပြတာကို ပိတ်ပေးထားမှာဖြစ်ပါတယ်။

 

Opera မှာဆိုရင်

Opera ကလည်း Chrome အတိုင်းပဲ browser extension နဲ့ပဲ ပိတ်ပစ်ရမှာပါ။ addons.opera.com ကနေ Disable HTML5 Autoplay ဆိုတာကို ဒေါင်းလုဒ်ဆွဲပြီး၊ install လုပ်လိုက်ရင်၊ HTML 5 ဗီဒီယိုတွေကို website တွေမှာ တွေ့မြင်ရတော့မှာမဟုတ်ပါဘူး။

Internet Explorer

HTML 5 ဗီဒီယိုတွေကို IE မှာတော့ လုံးဝပိတ်ပစ်လို့မရသေးပါဘူး။

Credit to ==> Digital Times

<<<
အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။
>>>  



www.pyaephyo.com

Posted in: knowledge, နည်းလမ်းများ