ကိုရီးယားသမ္မတနိုင်ငံမှ ၂၀၁၇-၂၀၁၈ ပညာသင်ဆုအတွက် အာရှပညာသင်ဆု ၃၄ ဆုပေးအပ်မည်

ကိုရီးယားသမ္မတနိုင်ငံရှိ Korea Foundation for Advanced Studies (KFAS) မှ International Scholar Exchange Fellowship ၂၀၁၇-၂၀၁၈ ခုနှစ်အတွက် အာရှပညာသင်ဆု ၃၄ ဆုအား ဖိတ်ခေါ်သွားမည်ဖြစ်ကြောင်း UMFCCI စာမျက်နှာမှ သိရသည်။

အဆိုပါပညာသင်ဆုကို ဒေါက်တာဘွဲ့ရရှိပြီးသူများလျှောက်ထားနိုင်ပြီး ကိုရီးယားသမ္မတနိုင်ငံရှိ တက္ကသိုလ်များ သို့မဟုတ် သုတေသနအဖွဲ့အစည်းများ၌ ၁ နှစ် သို့မဟုတ် ၆ လ သုတေသနပြုလုပ်ရမည် ဖြစ်ပြီး သုတေသနပြုလုပ်သူများအတွက် အသွား/အပြန်လေယာဉ်စရိတ်၊ လစဉ်ထောက်ပံ့ကြေး၊ သုတေသန ပြုလုပ်ရမည့် ထောက်ပံ့ကြေး၊ စာတမ်းအတွက်လိုအပ်သည့် အထောက်အပံ့များနှင့် ထိခိုက်မှုအာမခံကြေးစသည့် ကုန်ကျစရိတ်များကို (KFAS) မှ ထောက်ပံပေးသွားမည် ဖြစ်သည်။

လျှောက်ထားသူများအနေဖြင့် ဖုန်း - ၀၁-၂၃၁၄၃၄၄~၄၉၊ လိုင်းခွဲ နံပါတ် ၁၁၈၊ ၁၄၀ သို့ ၂၀၁၇ ခုနှစ်၊ ဖေဖော်ဝါရီလ၊ ၂၄ ရက် နောက်ဆုံးထား၍ လျှောက်ထားရမည်ဖြစ်ကြောင်း သိရသည်။

Credit:Internetjournal
သီဟထိုက်
www.thihahtike.com

Posted in: Mobile သတင်းရေးရာအဖြာဖြာ