KGI Securities က ၂၀၁၈ ခုနှစ်ထုတ် iPhone
များအားလုံးမှာ မျက်နှာခွဲခြမ်းစိတ်ဖြာတဲ့ Face ID
နည်းပညာထည့်သွင်းထားမယ်လို့ ခန့်မှန်းလိုက်ပါတယ်။ KGI Securities မှ
ခွဲခြမ်းစိတ်ဖြာသူ Ming-Chi Kuo က မျက်နှာပြင်အောက်မှာ လက်ဗွေရာ အာရုံခံ
ကိရိယာကို မြှပ်နှံတဲ့ နည်းပညာဟာ Apple အတွက် စိန်ခေါ်မှုများ
ရှိနေသေးတဲ့အတွက် Face ID ကိုသာ ပိုပြီး အလေးပေးလာနိုင်တယ်လို့
သုံးသပ်ပါတယ်။
ယခုနှစ်နှောင်းပိုင်းမှာ
ရောင်းချမယ့် iPhone X ရဲ့ Face ID ကို လူတွေ သဘောကျကြမယ်ဆိုရင် Apple ဟာ
နောက်ထုတ်မယ့် iPhone အားလုံးမှာ TrueDepth Front-Facing Camera နဲ့ Face
ID ကို ထည့်သွင်းပေးမယ့်ပုံပေါ်ပါတယ်လို့ သူက ပြောပါတယ်။ TrueDepth Camera က
ထူးခြားဆန်းသစ်တဲ့ အလုပ်များစွာကို ဖန်တီးပေးနိုင်ပြီး အဲဒီအထဲမှာ
လက်ရှိမှာတော့ Face ID က အကောင်းဆုံးဖြစ်နေပါတယ်။
ဒီနှစ်မှာ ရောင်းချမယ့် iPhone များထဲမှာ Face ID
ကို iPhone X တစ်လုံးထဲမှာသာ ထည့်သွင်းပေးထားပြီး iPhone 8 နဲ့ iPhone 8
Plus တို့မှာ ထည့်သွင်းပေးထားခြင်း မရှိပါဘူး။
Apple ဟာ ယခုနှစ်
စမတ်ဖုန်းဒီဇိုင်း Trend ဖြစ်တဲ့ Full Screen Display ကို iPhone X မှာ
ထည့်သွင်းထားတဲ့အတွက် Home Button နဲ့ Fingerprint Scanner ကို
ဖယ်ရှားခဲ့ရပါတယ်။ အဲဒီအတွက် Touch ID ကို အသုံးပြုလို့မရတော့ဘဲ Face ID
ကိုသာ မှီခိုရခြင်း ဖြစ်ပါတယ်။ Full Screen Display ကို သုံးမယ်ဆိုရင်တော့
Fingerprint Scanner ကို Display အောက်မှာ မြှပ်နှံနိုင်မယ့် နည်းပညာကို
ဖန်တီးရမှာ ဖြစ်ပါတယ်။
Credit to ==> DigitalTimes.com.mm
0 comments:
Post a Comment