♪ ၁၅၀ ၀၀၀ ၀န်းကျင်သာ တန်ကြေးရှိ LG က ကမ္ဘာ့ပထမဆုံး ခြင်ပြေးတဲ့ စမတ်ဖုန်းကို မိတ်ဆက် ♫

LG က အိန္ဒိယမှာ K7i အမည်ရ စမတ်ဖုန်း အသစ်တစ်လုံးကို မိတ်ဆက်လိုက်ပါတယ်။ သူ့ရဲ့ အဓိက စွမ်းဆောင်ချက်မှာ ခြင်းပြေးခြင်း ဖြစ်ပါတယ်။ သူက လူသားများ မကြားရဘဲ ခြင်များ ကြောက်လန့်စေတဲ့ အသံလှိုင်းများကို ထုတ်လွှင့်ပေးပါတယ်။ အဲဒီအတွက် သူ့ ပတ်ဝန်းကျင်မှ ခြင်များကို မောင်းထုတ်ပေးပါတယ်။

ခြင်ပြေးတဲ့ နည်းပညာရဲ့ တစ်စိတ်တစ်ပိုင်း အဖြစ် ဖုန်းရဲ့ အနောက်ဘက်မှ ကာဗာကို ဒီဇိုင်းဆန်းသစ်ထားပါတယ်။ အဲဒီ နည်းပညာ သို့မဟုတ် အနောက် ကာဗာကို မနှစ်သက်ရင် သာမာန် ကာဗာကို အသုံးပြုနိုင်ပါတယ်။ Mosquito Away Stand ကိုလည်း ထုတ်လုပ်ပေးထားပြီး ခြင်ပြေးစေဖို့ စမတ်ဖုန်းကို Stand မှာ တင်ထားရမှာ ဖြစ်ပါတယ်။ LG က ဒီစမတ်ဖုန်းဟာ ခြင်ပြေးတဲ့ နည်းပညာပါတဲ့ ကမ္ဘာ့ ပထမဆုံး စမတ်ဖုန်း ဖြစ်တယ်လို့ ပြောပါတယ်။ 

LG K7i မှာ ၅ လက်မ 854×480 Display တပ်ဆင်ထားပါတယ်။ 1.1GHz Quad-Core Processor မောင်းနှင်မှာ ဖြစ်ပါတယ်။ 2GB RAM, 16GB Internal Storage ထည့်သွင်းထားပါတယ်။ Dual-SIM Phone ဖြစ်ပါတယ်။ အနောက်ဘက်မှာ 8MP Camera နဲ့ အရှေ့ဘက်မှာ 5MP Camera တပ်ဆင်ထားပါတယ်။ လက်ဗွေရာ အာရုံခံ ကိရိယာနဲ့ 2500mAh Battery များ ပါပါတယ်။ 

Android 6.0 Marshmallow ထည့်သွင်းထားပါတယ်။ ရူပီး ၇၉၉၀ သတ်မှတ်ထားပြီး ၁၂၁ ဒေါ်လာ ကျသင့်နိုင်ပါတယ်။ မြန်မာငွေအားဖြင့် ၁၅၀ ၀၀၀ ၀န်းကျင်သာ တန်ကြေးရှိနိုင်ပါတယ်။

Credit to ==> DigitalTimes.com.mm

www.pyaephyo.com      

Posted in: Mobile သတင်းရေးရာအဖြာဖြာ