♪ “ဖုန်းနဲ့ချိတ်ဆက်သုံးနိုင်မယ့် စမတ်ပိုက်ဆံအိတ်များ” ♪

နေ့စဉ်နေထိုင်မှုပုံစံများကို နည်းပညာဖြင့် စမတ်ဖြစ်အောင်လုပ်ဆောင် နေကြရာ ငွေပေးချေသုံးစွဲမှု တွင်လည်း စမတ်ကျကျအသုံးပြုနိုင်အောင် ဆောင်ရွက်ပေးထားကြပါတယ်။ ငွေစက္ကူအသုံးပြုမှုကို မစွန့်ပယ်ကြသေးသော်လည်း တိုးတက် ပြီးသောနိုင်ငံများမှ ပြည်သူများဟာ အပြင်သို့ သွားလာသည့်အခါ၊ ဈေးဝယ်သည့်အခါ ကတ်စနစ်၊ မိုဘိုင်းငွေပေးချေစနစ် တို့ကိုသာအသုံးများကြပါတယ်။ ကစားကွင်းများ၊ ပွဲလမ်းသဘင်များတွင် အစားအသောက်များဝယ်ယူဖို့အတွက် အချို့နေရာများ၌ ငွေစက္ကူကို အသုံးပြု ကြသော်လည်း၊ အချို့ကတော့ကူပွန်ကို အစားထိုး သုံးစွဲကြပြီး၊ ကတ်စနစ် mobile money စနစ်များကို လက်ခံသူများလည်းရှိပါတယ်။ 

ငွေသုံးစွဲသည့်အခါ၊ လွှဲပြောင်းပေးသည့်အခါ ကတ်စနစ်များ၊ မိုဘိုင်း ငွေပေးချေ မှုစနစ်များဟာ လွယ်ကူ အဆင်ပြေစေသော်လည်း သုံးစွဲသူများ စိတ်ကျေနပ်မှု၊ ယုံကြည်မှုရရှိအောင်၊ စိတ်ချမ်းသာအောင်ဝန်ဆောင်မှုပေးနိုင်ဖို့ လိုအပ်ပါတယ်။ တိုးတက်သောနိုင်ငံများတွင် နည်းပညာစနစ် များဖြင့် တိုက်ခိုက်မှုခံရပြီး ငွေကြေးဆုံးရှုံးနိုင်သလို၊ ဖွံ့ဖြိုးဆဲနိုင်ငံများတွင် လည်း နည်းပညာအားနည်းမှုကြောင့် သုံးစွဲရအဆင်မပြေဖြစ်စေနိုင်ပါ တယ်။

ကတ်ဖြင့်ငွေထုတ်နိုင်သောစက်များကို နေရာအနှံ့တွင်ထားပေးထားသော်လည်းအကြောင်းကြောင်းကြောင့် ငွေထုတ်မရခြင်းမျိုး ကြုံတွေ့ရနိုင် သလို၊ ငွေထုတ်သည့်အခါ ထွက်ရှိလာသော ငွေစက္ကူများကြောင့် စိတ်အနှောင့်အယှက်ဖြစ်ရခြင်းမျိုးလည်း ကြုံတွေ့ရနိုင်ပါတယ်။ သို့သော် နည်းပညာစနစ်များဖြင့် ငွေသုံးခြင်းသည် ငွေစက္ကူမရေတွက်ရဘဲ အဆင်ပြေစေကာ၊ ငွေပမာဏများစွာကိုလည်း ၀န်ကျဉ်းကျဉ်းဖြင့် ဆောင်ယူ အသုံးပြုနိုင်ပါတယ်။တန်ဖိုးရှိသောငွေကြေးဟာ သုံးခြင်းကြောင့်လည်း ကုန်သလို၊ ရန်သူအမျိုးမျိုးကြောင့်လည်းပျက်စီးဆုံးရှုံးနိုင်ပါတယ်။

ငွေစက္ကူထည့်ထားသောပိုက်ဆံအိတ် အခိုးခံ၊ အလုခံ၊ အနှိုက်ခံရပါက (သို့) ပျောက်သွားပါက ငွေကြေးများပြန်လည်ရရှိဖို့ ရာခိုင် နှုန်းမှာအလွန် နည်းပါးပါတယ်။ ငွေကြေးထုတ်ယူသုံးစွဲနိုင်သော ကတ်များပျောက်ခြင်း၊ ဆုံးရှုံးခြင်းမှာတော့ သက်ဆိုင်ရာဘဏ်နဲ့ ချိတ်ဆက်ဆောင်ရွက်နိုင်သော ကြောင့် မျှော်လင့်ချက်ရောင်ခြည်ရှိပါသေးတယ်။ စောင့်ကြည့်ကင်မရာ လွှမ်းခြုံထားသော နေရာများ၊ ရပ်ကွက်၊ လမ်း၊ မြို့များမှာတော့ ပိုက်ဆံအိတ်နှင့် အခြားသောတန်ဖိုးရှိအရာများအား ဒုစရိုက်သမားများ ကယူဆောင်ပါက ပြန်လည်ကြည့်ရှုပြီး၊ အရေးယူဆောင်ရွက်နိုင်ပါတယ်။ ထိုသို့လုပ်ဆောင်သည့်အခါမှာလည်း အဆင်ပြေခြင်းများရှိသလို၊ အဆင် မပြေမှုများလည်းရှိပါတယ်။

တန်ဖိုးရှိသောအရာများပြန်လည်မရရှိနိုင်သော်လည်း မကောင်းမှုကျူးလွန် သူများ၏ပုံရိပ်ကို ဖမ်းယူထားနိုင်ပါက အခြားသူများပါသတိထားနိုင်စေရန် မျှဝေမှုပြုလုပ်နိုင်ပါတယ်။ပိုက်ဆံသုံးစွဲကြသည့်အခါ ငွေစက္ကူကိုလက်မှာ ဆုပ်ကိုင်၍သုံးစွဲကြ သူများရှိသလို၊ အရောင်၊ ဒီဇိုင်းလှပသောပိုက်ဆံအိတ် နဲ့တွဲဖက်၍ အသုံးပြုကြသူများလည်းရှိပါတယ်။ ပိုက်ဆံအိတ်မှာ လူတစ်ယောက် ၏စတိုင်ကျလှပမှုကို ထောက်ပံ့ပေးသည့် အရာ တစ်ခုဖြစ်သောကြောင့် နာမည်ကျော်အမှတ်တံဆိပ်များဟာ ပွဲတက်သော အခါ ကိုင်ဆောင်သည့်လက်ကိုင်အိတ်များကို ဒီဇိုင်းအမျိုးမျိုး ပုံဖော် ထုတ်လုပ်ပေးသည့်အပြင် ထသွား၊ထလာအသုံးပြုသောပိုက်ဆံအိတ်များ ကိုပင် ပုံစံအမျိုးမျိုးထုတ်လုပ် ရောင်းချပေးထားပါတယ်။ အကောင်းစား သားရေ၊ သေသပ်သောချုပ်ရိုးချုပ်သား၊ ဆန်းသစ်လှပသောဒီဇိုင်းရှိသည့် ပိုက်ဆံအိတ် ဈေးကွက်ထဲသို့ နည်းပညာပေါင်းစပ်ထားသော ပိုက်ဆံအိတ် များလည်း ရောက်ရှိလာပါတယ်။

စမတ်ပိုက်ဆံအိတ်များဟာ ယောကျာ်းလေးများ ကိုင်ဆောင်အသုံးပြုသည့် ခေါက်ချိုးပိုက်ဆံအိတ် ပုံစံရှိပြီး၊ အပြင် ဒီဇိုင်းပိုင်းမှာလည်း အမျိုးသားများအကြိုက် ဗြောင်ဒီ ဇိုင်းဖြစ်ပါတယ်။ ထို့ကြောင့်ဖက်ရှင်ဒီဇိုင်းကို အလေးထားသည့် မိန်းကလေးများရွေးချယ် ဖို့ခက်နိုင်သော်လည်း၊ နည်းပညာပါသောအိတ်ကို သုံးစွဲချင်သူများရွေးချယ် သင့်ပါတယ်။ ပုံမှန်အသုံးပြုနေသော ဖက်ရှင်ကျနသည့် လွယ်အိတ် (သို့) ကိုင်ဆောင်သည့်အိတ်ထဲထည့်၍ ယူဆောင်သွားပါကလည်း အဆင်ပြေနိုင်ပါတယ်။ စမတ်ပိုက်ဆံအိတ်များ ထုတ်လုပ်ရောင်းချသည့် အဓိကရည်ရွယ်ချက်တစ်ခုမှာ အကြောင်းအမျိုးမျိုးဖြင့် ပိုက်ဆံအိတ်မေ့ကျန် ခဲ့ပါက ပြန်လည်ရှာဖွေတွေ့ရှိနိုင်စေဖို့ဖြစ်ပါတယ်။ အမျိုးသားများအသုံးပြု
သော ပိုက်ဆံအိတ်အများစုမှာ အမျိုးသမီးများ အသုံးပြုသည့် ပိုက်ဆံအိတ် ထက် အရွယ်အစားသေးငယ်သောကြောင့် မျက်စိထဲတွင် ထင်သာ
မြင်သာ မတွေ့နိုင်ဘဲ ရေးကြီးသုတ်ပြာသွားလာပါက မေ့ကျန်ခဲ့နိုင်ပါတယ်။

Cashew စမတ်ပိုက်ဆံအိတ်ကို California တွင် ဒီဇိုင်းထုတ်ခဲ့ခြင်းဖြစ်ပြီး၊ စမတ်ဖုန်းနဲ့ ချိတ်ဆက်အသုံးပြု ရမှာဖြစ်ပါတယ်။ အဆိုပါပိုက်ဆံအိတ်ဒီဇိုင်း မှာစမတ်ဖုန်းနဲ့ပိုက်ဆံအိတ်ကို ပေါင်းစပ်ထားသောပုံစံရှိပြီး၊ ခေါက်ချိုးသည့် နေရာ၏ ထောင့်စွန်းနှစ်ခုမှာ ခေါက်ဖုန်းများပုံစံရှိပါတယ်။စမတ်ဖုန်းများမှာ တွင်ကျယ်စွာ အသုံးပြုနေသော လက်ဗွေရာစနစ်ကိုလည်း Cashew စမတ်ပိုက်ဆံအိတ်မှာ သုံးစွဲနိုင်ပါမယ်။ ဖုန်းများနည်းတူ ပိုက်ဆံအိတ် မှာလည်း လူတစ်ယောက်ရဲ့အရေးကြီးသော အချက်အလက်များ ထားရှိရာနေရာဖြစ်ပါတယ်။ ပိုက်ဆံနှင့် ငွေပေးချေကတ်များပါရှိသည့် အပြင်မှတ်ပုံတင်၊ ကားမောင်းလိုင်စင်၊ အသိ မိတ်ဆွေများ၏ visiting card များ၊ စာကြည့်တိုက်ကတ်၊သက်ဆိုင်ရာနေရာအသီးသီးတွင်ပါဝင် ထားသော (သို့) ဈေးဝယ်စင်တာများ၊ အားကစားစင်တာများမှရရှိထားသော member card များ၊ လုပ်ငန်းခွင်အသိအမှတ်ပြုကတ်ပြား၊ ငွေရေး ကြေးရေးမှတ်ထားသော စာရွက်အပိုင်းအစများ၊ အခြားကိုယ်ရေးကိုယ်တာ ဆိုင်ရာ အချက်အလက်များပါရှိနိုင်ပါတယ်။

မိမိ၏လက်ဗွေရာဖြင့် ပိုက်ဆံအိတ်ကို ကာကွယ်ထားနိုင်မည်ဆိုပါက လုပ်ငန်းခွင်မှ လုပ်ဖော် ကိုင်ဖက်များ၊ မိတ်ဆွေသူငယ်ချင်းများ၏ လျှို့ဝှက်ထောက်လှမ်းစူးစမ်း မှုကိုစိတ်ပူစရာမလိုတော့ပါဘူး။ အတူနေမိသားစုများပြားလွန်းသူများ၊ အဆောင်တွင် အများနဲ့နေထိုင်ကြရသူများ၊ အလွန်ဆော့သော ကလေးငယ်ရှိသူတို့အတွက် အဆိုပါစမတ်ပိုက်ဆံအိတ်ဟာ ယုံမှား သံသယ မဖြစ်အောင် ကာကွယ်ပေးနိုင်ပါတယ်။ လက်ဗွေရာစနစ် အသုံးပြုရမည့် နေရာ၏ဘေးဘက်တွင် အချက်ပြမီးတပ်ဆင်ပေးထားပြီး၊ လက်ဗွေရာကိုက်ညီမှုရှိပါက အစိမ်းရောင် ပြသပေးမှာဖြစ်ပါတယ်။ အသံစနစ်လည်း ပိုက်ဆံအိတ်မှာထည့်သွင်းပေးထားခြင်းကြောင့် ပိုက်ဆံအိတ်ဘယ်နေရာမှာ ထားမိသလဲဆိုသည်ကို ခေါင်းရှုပ်အောင် စဉ်းစားစရာမလိုဘဲ၊ ဖုန်းဖြင့်ချိတ်ဆက် ရှာဖွေပါက အသံမြည်နေသော၊ အနီရောင်မီးမှိတ်တုတ်မှိတ်တုတ်ဖြစ်နေသည့် ပိုက်ဆံအိတ်ကို လွယ်ကူ စွာတွေ့ရှိနိုင်မှာဖြစ်ပါတယ်။

Voyager စမတ်ပိုက်ဆံအိတ်မှာတော့ ရေးခြစ်မှတ်သားဖို့ လိုအပ်လာ သည့်အခါ အဆင်သင့်ဖြစ်စေရန် ဘောပင်နှင့်စာအုပ်ငယ်ကိုပါ တစ်ပါ တည်းထည့်သွင်းပေးထားပါတယ်။ ဖုန်းနဲ့ချိတ်ဆက်သုံးရမှာဖြစ်ကာ၊ ပိုက်ဆံအိတ်ပျောက်သွားပါက ဖုန်းကို စာတိုပို့ခြင်းဖြင့် သတိပေးမှာဖြစ်ပြီး၊ ဖုန်းဖြင့်ပင် ပိုက်ဆံအိတ်ကို ရှာဖွေ နိုင်ပါတယ်။ ဖုန်းပျောက်နေပါကလည်း ပိုက်ဆံအိတ်နဲ့ ဖုန်းကိုရှာဖွေနိုင်ပါသေးတယ်။ ပိုက်ဆံအိတ်ရဲ့ ညာဘက်အောက်ထောင့်ကို နှစ်ချက်ဖိလိုက်ခြင်းဖြင့် အသံမြည်နေသော ဖုန်းကို ရှာဖွေနိုင်ပါလိမ့်မယ်။ “ကလေးတွေနဲ့ အလုပ်များနေတဲ့အခါ ပိုက်ဆံအိတ် ရှာဖို့ခက်ပါတယ်။ အခုတော့ Voyager ကြောင့် အဆင် ပြေသွားပါ တယ်”လို့ အိမ်ထောင်ရှင်မတစ်ဦးက ပြောပါတယ်။

“ကျွန်မကပိုက်ဆံ သုံးစွဲပြီးတဲ့အခါတိုင်း၊ အပြင်သွားတဲ့အခါတိုင်း၊ ကျွန်မလွယ်အိတ်ထဲမှာ ပိုက်ဆံအိတ်ပါမပါမကြာခဏ စစ်ဆေးတတ်ပါတယ်။ တစ်နေရာရာမှာ ပိုက်ဆံအိတ်ကျန်ခဲ့မှာ၊ ပိုက်ဆံအိတ် ခါးပိုက်နှိုက်ခံရမှာ စိုးရိမ်ပါတယ်။ Voyager အိတ်ကြောင့် အသံနားထောင်လိုက်ရုံနဲ့ပိုက်ဆံအိတ်ရှိ၊ မရှိအိတ်ကို မွှေနှောက် ရှာဖွေစရာမလိုတော့ပါဘူး” ဟု Saya ကပြော ပါတယ်။ Selfie ဓာတ်ပုံရိုက်ရသည်ကို ကြိုက်နှစ်သက်သူများအတွက် လည်း Voyager အိတ်က အထောက်အပံ့ပေးနိုင်ပါတယ်။ ဖုန်းနဲ့ချိတ်ဆက်ပြီး Selfie ရိုက်ကူးနိုင်ဖို့ဖုန်းတွင် Chipolo app ကို ဖွင့်ထားရန်လိုအပ်ပြီး၊အိတ်ရဲ့ညာဘက်အောက်ထောင့်ကို နှစ်ချက်နှိပ်လိုက်ကာ၊ Cheese လို့ ပြောရုံပါပဲ။

Volterman Smart Wallet ကတော့ ကင်မရာပါပါရှိပြီး မိမိ၏ ပိုက်ဆံအိတ်ယူသူရဲ့မျက်နှာကို ဓာတ်ပုံရိုက်ကူးပေးပြီး ဖုန်းထံပေးပို့မှာဖြစ် ပါတယ်။ မိမိပိုက်ဆံအိတ်ဖြစ်ကြောင်း ပြန်လည်ရယူလိုသည့်အခါ ဖုန်းမှာပေါ်နေသောဓာတ်ပုံကို သက်သေ အဖြစ် ပြသနိုင်ပါတယ်။ အဆိုပါပိုက်ဆံအိတ်ဟာ Wi-Fi ကိုလည်း ထုတ်လွှင့်ပေးနိုင်တာကြောင့် အင်တာနက် အသုံးပြုဖို့ လိုအပ်သည့်အခါ အဆင်ပြေစေပါလိမ့်မယ်။ ပိုက်ဆံအိတ်ကိုင်ဆောင်သုံးစွဲသူ တစ်ယောက်တည်းအတွက်သာမက မိမိဘေးနားရှိ မိတ်ဆွေများအတွက် လည်း အကူအညီပေးနိုင်ပါမယ်။ နည်းပညာခေတ်မှာ စမတ်ဖုန်းများအတွက် အားသွင်းပေးနိုင်မယ့် အရာ များစွာရှိပါတယ်။

Volterman Smart Wallet ကလည်း ဖုန်းပါဝါအား ကို ဖြည့်သွင်းပေးနိုင်မယ့်စွမ်းရည် ပါရှိပါတယ်။ Wireless နည်းဖြင့် ဖုန်းအားသွင်းနိုင်သလို ကြိုးနဲ့လည်း ချိတ်ဆက်၍ အားသွင်းနိုင်ပါမယ်။ ထည့်သွင်းပေးထားသော ဘက်ထရီစွမ်းအင်ကတော့ 2600mAh ဖြစ်ပါ တယ်။ စမတ်ဖုန်းနဲ့ချိတ် ဆက်ထားသော ပိုက်ဆံအိတ်ပျောက် ပါက ပြန်လည် ရှာတွေ့ရန် တီထွင် ထုတ်လုပ်ပေးထားသော်လည်း ပိုက်ဆံအိတ်နှင့်တကွ ဖုန်းပါပျောက်ဆုံးခဲ့ ပါက ရှာဖွေခြင်းဟူသော အလုပ်ဟာ ခက်ခဲသွားနိုင်ပါတယ်။


ငြိမ်းချမ်းတိုး

Mobile Guide Journal (Every Monday)
https://www.facebook.com/officialmobileguidejournal

<<<
အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။
>>>

        www.pyaephyo.com

Posted in: နည်းပညာသတင်း