♪ “အွန်လိုင်းမှာ အနှောင့်အယှက်ကင်းအောင်” ♫

အွန်လိုင်းတက်ပြီး website ပေါင်းစုံကို ၀င်ကြည့်သည့်အခါ ထိုအလုပ်ကို မိမိကလွဲပြီး အခြားသူမည်သူမျှ မသိဟုထင်ကြ သည်။ ထိုအထင်အမြင် သည် တက်တက်စင်အောင် လွဲပါသည်။ အွန်လိုင်းမှာ မည်သူတွေ မည်သည့်အလုပ်လုပ်နေသည်ကို စောင့်ကြည့်သူတွေ အတော်များများ ရှိသည်။ လက်ရှိအခြေအနေတွင် မြန်မာနိုင်ငံသားအများစု မိုဘိုင်း အင်တာနက် သုံးသည် ဖြစ်ရာ မည်သူတွေ data မည်မျှသုံးသည်ကို Mobile carrier ကစောင့်ကြည့်နေသည်။ အွန်လိုင်းတက်ပြီး မည်သူတွေ ပုဂ္ဂိုလ် ရေးဝေဖန်စာတွေ ရေးသည်ကို သက်ဆိုင်ရာတာဝန်ရှိသူတွေက စောင့်ကြည့်သည်။ အနာပေါ်တုတ်ကျစာများရေးပါက ပုဒ်မ (၆၆) နှင့်တွေ့ပါလိမ့်မည်။ ထို့အပြင် မည်သူ့ထံမှ သတင်းအချက်အလက် နှိုက်ရမည်။ မည်သူပိုင်သောငွေကို ဖြတ်ခိုးရမည်ကို ချောင်းနေသည့် ဟက်ကာများလည်းရှိပါသေးသည်။ အနိမ့်ဆုံးအနေဖြင့် website ထဲဝင်လျှင် နည်းပေါင်းစုံဖြင့် ကြော်ငြာထိုးမည့် ကြော်ငြာရှင်များကို မလွဲမသွေကြုံရပါလိမ့်မည်။

Mobile carrier က လုပ်ငန်းရှင်မို့ ခွင့်လွှတ်နိုင်သေး၏။ ကျန်သည့် သူအတ်ာများများမှာ ပြဿနာကောင်တွေဖြစ်ရာ မတွေ့အောင် ရှောင်နိုင်လေ ကောင်းလေဖြစ်ပါ၏။ အွန်လိုင်းသုံးလျှင် search engine နှင့် တစ်ကြိမ်မဟုတ်တစ်ကြိမ် ကျိန်းသေ တွေ့ပါလိမ့်မည်။ သူကလည်း စိတ်မချသည့် အထဲမှာပါ၏။ Search data တွေအပေါ်အမှီပြုပြီး ကြော်ငြာထိုးဖို့ ကြိုးစား၏။ ကိုယ်တိုင်လုပ်ဖို့ အခြေအနေမဟန်ဟုဆိုလျှင် ထို data တို့ကို ကြော်ငြာရှင်များထံ ရောင်းစားပါ၏။ Facebook ဆိုသော အထင် ကရ website ကြီးသည်ပင်လျှင် whats app မှတစ်ဆင့် user data များကို အလွဲသုံးစားလုပ်သေးသည်ဖြစ်ရာ အွန်လိုင်းပေါ် တွင် စိတ်ချလက်ချ ယုံကြည်နိုင်သောသူ အလွန်ရှားသည်ကို တစ်နေ့တခြား သဘောပေါက်လာပါလိမ့်မည်။ ထို့ကြောင့် အောက်ပါ လက်နက်ပေါင်းစုံ သုံးပြီး အွန်လိုင်းပေါ်တွင် အနှောင့်အယှက်ကင်းအောင် ကြိုးစားကြပါ မည်။

<Hotspot shield>

အခမဲ့သုံးနိုင်သော VPN Pro ဖြစ်ပြီး www.bit.ly/hsschrome418 မှဖြစ်စေ၊ www.bit.ly/hssfirefox418 မှဖြစ်စေ download ဆွဲပြီး သုံးနိုင်ပါသည်။ မိမိအသုံးပြုသော browser အပေါ်မူတည်ပြီး download source ကွဲပြားပါလိမ့်မည်။ Hotspot shield ကို အခမဲ့ အသုံးပြုနိုင်ခြင်း မှာ အနည်းငယ်ထူးခြားနေသည်။ အမှန်အားဖြင့်ဆိုလျှင် ကွန်ပျူတာပေါ်၌ သုံးနိုင်သော VPN တို့ကို လွယ်လွယ်ကူကူနှင့် အခမဲ့ သုံးစွဲခွင့်ပြုလေ့ မရှိပါ။ Hotspot shield သည် နောက်ထပ် software သီးသန့် download ဆွဲစရာမလိုဘဲ browser add-in အဖြစ် လုံခြုံမှုနှင့် မြန်ဆန်မှုရှိအောင် chrome နှင့် firefox browser များတွင် ဆောင်ရွက်ပေးခြင်းမှာ အံ့သြစရာကောင်းပါသည်။

VPN အဖြစ် ဆောင်ရွက်ပေးခြင်းကြောင့် မိမိလက်ရှိတည်ရာ နိုင်ငံ မဟုတ်သော နိုင်ငံကိုးနိုင်ငံထဲမှ တစ်ခုကို ရွေးချယ်ခွင့် ရှိပါသည်။ ယင်းနိုင်ငံများအထဲတွင် ကနေဒါ၊ ဂျာမဏီ၊ စပိန် စသည့်နိုင်ငံကြီးများပင် ပါဝင်သည်။ မိမိသဘောကျနှစ်သက်ရာ Website များကို bookmark လုပ်ထားပြီး အလွယ်တကူ ၀င်ရောက်ကြည့်ရှုနိုင်စွမ်းလည်းရှိသည်။ connet နှင့် disconnet လုပ်ခြင်းကို ကလစ်တစ်ချက်ဖြင့် ဆောင်ရွက်နိုင် သည်။ မွေးစားနိုင်ငံအတော်များများကို ရွေးခွင့်ရှိသော်လည်း US နှင့် UK ကို အလိုရှိလျှင်မူ ငွေကြေးအတန်အသင့် ကုန်ကျမှုရှိသော Elite version ကို ပြောင်းလဲအသုံးပြုရန်လိုပါသည်။ ထိုသို့မဟုတ်လျှင် US နှင့် UK တွင်သာ သုံးခွင့်ရှိသော content များကို ရယူအသုံးပြုခွင့် မရှိဖြစ်ပါ လိမ့်မည်။ Elite version ကို (၇)ရက်တာ အစမ်းအသုံးပြုခွင့် ရှိပါသည်။ သို့သော် content များသုံးစွဲခွင့်ရရေးမှာ အဓိကအချက်မဟုတ်ဘဲ မိမိမည်သူမည်ဝါဖြစ်ကြောင်း မသိစေလိုလျှင်၊ မိမိမည်သည့်နေရာ၌ ရှိကြောင်း မသိစေလိုလျှင်၊ မိမိမည်သည့်အလုပ် လုပ်နေကြောင်း မသိစေ လိုလျှင် စသည်တို့မှာ အဓိကကျသည်ဆိုပါက Hotspot shield သည် အလွန်သုံးပျော်သော Add-in တစ်ခုဖြစ်ပါသည်။

<Fake Data>

<Fake Name Generator Panel>

ယင်း add-in နှစ်ခုစလုံးက မိမိ၏သရုပ်မှန်ကိုဖျောက်ပြီး အမည် လွဲ၊ အချက်အလက်လွဲများဖြင့် အွန်လိုင်းပေါ်တွင် နေခွင့်ပေးပါသည်။ Fake Data ကို www.bit.ly/fake418 မှနေ၍လည်းကောင်း၊ Fake Name Generator Panel ကို www.bit.ly/fpanel 418 မှလည်းကောင်း download ဆွဲပြီး အခမဲ့အသုံးပြုနိုင်ပါသည်။ အွန်လိုင်းမှာမိမိကိုယ် မိမိပေးထားသော ချစ်စနိုးအမည်၊ အီးမေးလိပ်စာအစစ်နှင့် ဖုန်းနံပါတ် အစစ် တို့ကို အသုံးပြုရမည်ဆိုသည့်အခါ အန္တရာယ်များလှပါသည်။ မိမိ၏ ကိုယ်ရေးအချက်အလက် အစစ်အမှန်များကိုသုံးပြီး account အသစ် တစ်ခုရရန် sign up လုပ်မည့်အစား Fake Data ကို အသုံးပြုမည် ဆိုလျှင် အွန်လိုင်းပေါ်၌ လူမသိသူမသိ နေနိုင်မည့် အခွင့်အရေးကို ရရှိပါမည်။

Chrome extension ဖြစ်သော Fake Data သည် အွန်လိုင်း registration form ဖြည့်ရာတွင် အချက်အလက်အလွဲများ ဖြည့်သွင်းပေး သည်မှာ မှန်သော်လည်း သတင်းအချက်အလက်အမှန်များ ဖြည့်သွင်းပေး သကဲ့သို့ ဆောင်ရွက်ပေးပါသည်။ ထိုကဲ့သို့ ဖောင်ဖြည့်ရာတွင် စာလုံး တစ်လုံးတစ်လေမျှပင် ရိုက်ရန်မလိုပါ။ text box တစ်ခုပေါ်တွင် ညာကလစ်ထောက်ပြီး ပေါ်လာသောအကွက်ထဲမှ First name ၊ Last name ၊ postal address နှင့် အီးမေး၊ ဖုန်းနံပါတ်၊ ကုမ္ပဏီအမည် သို့မဟုတ် လက်ရှိနေရာအရပ် စသည်တို့ကို ရွေးပေးဖို့သာလိုသည်။

Default အနေဖြင့်မူ Fake Data သည် US data များကို အသုံးပြုပြီး ဖောင်ဖြည့်ပါသည်။ သို့သော် Great Britain (BG) ကို ပြောင်းလဲပြီးလည်း အသုံးပြုနိုင်ပါသည်။ Firefox browser ကို အသုံးပြုသည်ဟု ဆိုလျှင်မူ Fake Name Generator Panel ကိုအသုံးပြုချင်းက ပို၍ အဆင်ပြေပါ လိမ့်မည်။ ယင်းက အီးမေးလိပ်စာ၊ Postcode ၊ birthday ၊ jobs ၊ card numbers စသည့် အချက်အလက်များအား Fake identily အဖြစ် ချက်ခြင်း ထုတ်ပေးနိုင်သည်။ ထို့ကြောင့် မိမိ၏ ကိုယ်ရေးအချက်အလက် အစစ် အမှန်များအား ကာကွယ်ထိန်းသိမ်းနိုင်ပါလိမ့်မည်။

<Privacy Badger>

www.bit.ly/privacy418 မှနေ၍ အခမဲ့ရယူအသုံးပြုနိုင်ပါသည်။ အွန်လိုင်း အသုံးပြု တစ်ယောက်အား နောက်ယောင်ခံ လိုက်မည့် tracker များ မတွေ့စေရန် ပုန်းကွယ်နေနိုင်ခြင်း၊ လူတစ်ယောက်အကြောင်း စုံစမ်းမည့် spy ads များဘေးမှ ပုန်း ကွယ်နေနိုင်ခြင်းစသည့်အစွမ်း သတ္တိများ ရှိပါသည်။ ဤ Add-in တွင် စွမ်းဆောင်ရည်အသစ်များ ထပ်မံထည့်သွင်း ပေးထားခြင်းကြောင့် audio နှင့် video call များ ပြုလုပ်ရာတွင် အချက်အလက် ပေါက်ကြားမှုမရှိအောင် ကာကွယ်နိုင်ခြင်း၊ tracking preference များကို browser တစ်ခုမှအခြား browser တစ်ခုသို့ လွှဲပြောင်းပေးနိုင်ခြင်း စသည့် အစွမ်းသတ္တိများ ရှိလာပါသည်။

ဧဧသက်(ဖြိုးဓနဒစ်ဂျစ်တယ်ဓာတ်ပုံ)

Mobile Guide Journal (Every Monday)
https://www.facebook.com/officialmobileguidejournal

<<<
အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။
>>>

          www.pyaephyo.com

Posted in: knowledge